УПРАВА ЗА ХИДРОМЕТЕОРОЛОШКИ РАБОТИ
Адреса:
СКУПИ 28, СКОПЈЕ
Телефон 1:
02/3097103
Телефон 2:
02/3097004
Телефон 3:
02/3097118
Е-маил:
info@meteo.gov.mk
Web:
www.meteo.gov.mk
Facebook:
UHMRSkopje
Instagram:
Tweet
Хидрометеоролошката дејност на територијата на Република Македонија има долга и богата традиција. Таа датира уште од 1891 година кога се вршени првите метеоролошки мерења и набљудувања, додека како организирана мрежа на хидро-метеоролошки станици постои од 1923 година. До 1947 година со оглед на околностите, доаѓало до повремени прекини во мерењата и набљудувањата. Хидрометеоролошката служба во Република Македонија е формирана во 1947 година, додека во 1993 станува рамноправна членка на СМО (Светската Метеоролошка Организација). Нашата основна визија е да се развие современа и ефикасна хидрометеоролошка служба која ќе има водечка улога во решавање на прашањата за времето, климата, хидрологијата, екологијата, водните ресурси и модификација на времето и на тој начин ќе даде суштински придонес за сигурноста за луѓето и материјалните добра и за економскиот бенефит на државата. Управата за хидрометеоролошки работи е орган во рамките на Министерството за земјоделство, шумарство и водостопанство. Организациона поставеност на Управата за хидрометеоролошки работи е на следен начин: -Директор -Државни советници -Сектор за метеорологија -Сектор за прогноза, предупредување, информатика и техника -Сектор за хидрологија и следење на состојбата на природнана средина -Сектор за правни работи и меѓународна соработка -Сектор за финансиски прашања -Одделение за ревизија -Одделение за човекови ресурси Улогата на Управата за хидрометеоролошки работи во последните години ги надмина рамките на класичното наблудување на времето, климата, водите и нивното прогнозирање. Невозможно е да се замисли социо-економскиот развој на Република Македонија без информациите што ги дава оваа институција за совладување на проблемите од областа на промените на климата, управување со водните ресурси, ублажување на природните непогоди и деградација на животната средина. Нашата земја како суверена и независна држава од 1993 година е членка на Светската метеоро-лошка организација која е специјализирана агенција на Обединетите нации. Членувањето во оваа организација создава нови можности и перспективи за развој на меѓународната соработка во областа на метеорологијата, хидрологијата и заштита на животната средина, преку учество на работа на конгреси, работни тела, комисии и работни групи кои се формират на ниво на региони и пошироко.При тоа Управата за хидрометеоролошки работи како носител на хидрометеоролошката дејност во државата има функција на Национален метеоролошки центар. Приоритетни цели: -Осoвременување на метеролошкиот, хидролошкиот и еколошкиот информативен систем во Република Македонија -Воспоставување на современ систем за најава на временската прогноза -Зајакнување на соработката на службата во интернационалните меѓувладини организации -Едукација на тековниот и вработување на млад образовен кадар
Назад
ДИГИТАЛЕН КАТАЛОГ
